Emin Babayev, Sputnik Azərbaycan
BAKI, 18 fevral — Sputnik. "Mən dəfələrlə döyüş əməliyyatlarının getdiyi bölgələrdə olmuşam, amma bu cür vəziyyəti təsəvvürümə gətirə bilməzdim".
Sputnik Azərbaycan-ın məlumatına görə, bunu Rusiya Dövlət Dumasının deputatı Aleksey Juravlyov Ağdama səfəri zamanı deyib.
O bildirib ki, bütün Sovet İttifaqında tanınan bir şəhəri bu vəziyyətdə görmək çox ağırdır:
"Bütün Sovet İttifaqının tanıdığı şəhər, Ağdam, demək olar ki, yoxdur. Ancaq məscid qismən salamat qalıb. O da mənə deyilənlərə görə, atəşin korreksiyası üçün saxlanılıb. Bu, lazım olmasaydı, yəqin ki, məscidi də saxlamazdılar. İndi gördüklərimi sözlə təsəvvür etmək çox çətindir. Prinsipcə, çiçəklənməli, inkişaf etməli olan şəhər dağıntılar içində qalıb".