İtaliyanın Siciliya adasında Etna vulkanı püskürüb. İtaliya Milli Geofizika və Vulkanologiya İnstitutunun məlumatına əsasən, vulkan aktivləşməsi yerli vaxtla saat 16:10 (Bakı vaxtı ilə 19:10) 2,9-3 km dərinlikdə qeydə alınan yeraltı təkanlara görə baş verib.
Vulkanın püskürməsi nəticəsində yaranan kül və tüstüyə görə yaxınlığqda yerləşən Kataniya hava limanı bağlanıb. Mütəxəssislər əmin edirlər ki, əhali üçün heç bir təhlükə yoxdur. Bununla belə heç bir halda vulkana yaxınlaşmamaq məsləhət görülür.
Qeyd edək ki, Etna Avropada ən böyük aktiv vulkan sayılır. Vulkanın hündürlüyü 3328 metrdir.
Sonuncu dəfə Etna vulkanı 2019-cu ildə püskürüb. Həmin vaxt vulkan püskürməsi 10 gün davam edib.