BAKI, 10 fevral — Sputnik. ABŞ-ın eks-prezidenti Barak Obama və həyat yoldaşı Mişel Obama tərəfindən qurulan "Supreme Ground Productions"-ın 6 yeni layihədə "Netflix" ilə əməkdaşlıq edəcəyi açıqlanıb.
Sputnik Azərbaycan xarici mediaya istinadən xəbər verir ki, 2018-ci ildə "Netflix" ilə müqavilə bağlayan Obama cütlüyünün layihələri bəlli olub. Obama cütlüyü "Higher Ground Productions" vasitəsilə iki serial, dörd yeni filmin hazırlıqlarını davam etdirir. Seriallardan birinin, Angeline Boulleyin hələ satışa çıxmayan yeni romanı əsasında çəkiləcəyi bildirilib.
"Great National Parks" adlı sənədli filmdə isə Amerikanın ən əhəmiyyətli milli parklarından bəhs olunacaq. Film layihələrində "Exit West"in baş rol ifaçısı Riz Ahmed yer alır. Filmdə fövqəltəbii bir hadisə səbəbilə həyata keçən qlobal köç əsnasında yaşanan eşq hekayəsindən bəhs olunacaq.
Everestə çıxan ilk alpinist Tenzing Norgayın real həyat hekayəsindən bəhs edən "Tenzing", 29 yaşındakı Celestinanın ilk evliliyinin həyata keçdiyi gündən bəhs edən "The Young Wife" və fantastic film "Satellite№ da " yeni Obama layihələri sırasındadır.