BAKI, 29 yanvar — Sputnik. Keçən il sahibkarlara 169 milyon manat dövlət zəmanətli kredit ayrılıb.
Sputnik Azərbaycan xəbər verir ki, bu sözləri iqtisadiyyat naziri Mikayıl Cabbarov deyib.
Nazir qeyd edib ki, sahibkarların dövlət zəmanətli krediti asan və şəffaf əldə etməsi üçün yaradılmış Elektron Kredit Platforması effektiv vasitədir: "Ötən il bu platformada 949 milyon manat həcmində 3300-dən çox müraciət qeydə alınıb və 529 müraciət üzrə 169 milyon manat dövlət zəmanətli kredit ayrılıb".