BAKI, 18 yanvar — Sputnik. Milli Televiziya və Radio Şurası 2020-ci il ərzində televiziya və radio yayımı ilə bağlı Azərbaycan qanunvericiliyinin daha da təkmilləşdirilməsi istiqamətində müvafiq layihələr hazırlayıb və aidiyyəti qurumlar qarşısında təkliflərlə çıxış edib. Sputnik Azərbaycan-ın məlumatına görə, bu barədə Milli Televiziya və Radio Şurasının 2020-ci il üzrə hesabatında bildirilib.
Qeyd olunub ki, bu məqsədlə Şura Aparatının Hüquq və beynəlxalq əlaqələr şöbəsi qabaqcıl Avropa ölkələrinin, Türkiyənin, Gürcüstanın, Ukraynanın, Qazaxıstanın və Rusiya Federasiyasının bu sahədə olan qanunvericilik yeniliklərini öyrənib, Azərbaycanın yerli xüsusiyyətləri nəzərə alınmaqla bu yenilikləri ehtiva edən layihələr təqdim olunub.