BAKI, 11 yanvar - Sputnik, Kəmalə Əliyeva. Tanınmış müğənni Nura Suri aparıcı Samir Bayramlı ilə fotosessiya etdirib. İfaçı Sputnik Azərbaycan-a bildirib ki, o, pərəstişkarlarını yeni fotolayihə ilə sevindirmək qərarına gəlib. Bu dəfə Nura işi fotoqraf Rövşən Nəzirliyə etibar edib. Videoçarxı isə Mirzə Əbiyev hazırlayıb. Layihədə məşhurlar sevgili cütlük obrazı yaradıblar.
Xatırladaq ki, bu yaxınlarda Nur Suri cəsarətli pozalar verdiyi daha bir fotolayihəni təqdim eləmişdi.
Hazırda isə müğənni başqa layihələr üzərində çalışır və tez bir zamanda onları bitirmək niyyətindədir.
Nura Suri uzun illərdir populyardır. O, üç uşaq böyüdür. Karantin zamanı müğənnilikdən savayı, tikinti şirkətinə işə düzəlməsi ilə də gündəmə gəldi.