Güclü qar Madriddə nəqliyyatı iflic etdi: insanlar isə əyləncəyə fürsət tapdılar - FOTO

İspaniyanın paytaxtı Madridə aramsız yağan qar şəhəri iflic edib. Hava şəraiti ilə əlaqədar dəmiryolu nəqliyyatı dayandırılıb, avtobusların hərəkəti məhdudlaşdırılıb, bəzi metro xətlərində gecikmələr yaranıb.

Hökumət rəsmiləri yerli sakinləri avtomobillərdən istifadə etməməyə çağırıblar.

Baraxas hava limanının faəliyyəti də ötən gün axşam saatlarından dayandırılıb. Şəhər ərazisində bütün mədəni və əyləncə tədbirləri təxirə salınıb. Madrid ərazisində yük maşınlarının hərəkətinə qadağa qoyulub.

Sinoptiklər bildiriblər ki, bu, son 80 il ərzində Madrid şəhərinə yağan ən güclü qardır. Bu cür hava şəraiti İspaniyanın paytaxtında bazar ertəsinə qədər davam edəcək.

1 / 12

İnsanlar Madriddə güclü qar səbəbindən aşmış ağacların yanından keçirlər, İspaniya

2 / 12

Madriddə güclü qar səbəbindən fəaliyyətini müvəqqəti dayandıran Adolfo Suares Baraxas hava limanında təyyarələr, İspaniya.

3 / 12

Avtomobilini M-30 magistralında qoyan sürücü çətiri ilə yolunu piyada davam etdirir. İspaniyanın paytaxtında yanvarın 8-dən başlayan güclü qar nəqliyyatın hərəkətini tamamilə iflic edib.

4 / 12

Bəziləri bu cü hava şəraitindən istirahət üçün istifadə edirlər. Madridin kənarında qonşular küçənin ortasında stol qoyaraq içkilər içirlər.

5 / 12

Madriddə güclü qar zamanı gəzən insanlar, İspaniya.

6 / 12

Yanğınsöndürənlər M-30 dairəvi yolunda qalan avtomobili itələyirlər, Madrid, 8 yanvar.

7 / 12

Madriddə qarlı havada həyətlərdə park edilmiş avtomobillərə mənzərə.

8 / 12

İnsanlar qarlı havada Madridin mərkəzində gəzirlər.

9 / 12

İspaniyanın paytaxtında hava şəraiti ilə əlaqədar M-30 yolunda qalan sürücü və sərnişin.

10 / 12

Bəzi paytaxt sakinləri əyləncələrindən qalmayıblar, Madrid, İspaniya.

11 / 12

M-30 yolunda qarda qalan avtomobil, Madrid, İspaniya.

12 / 12

Madriddə güclü qar zamanı Sibeles meydanında xizək sürən adam, İspaniya.