BAKI, 5 yanvar — Sputnik. Britaniya kinosunun qorxu filmləri ulduzu sayılan aktrisa Barbara Şelli vəfat edib.
Sputnik Azərbaycan xarici mediaya istinadən xəbər verir ki, 88 yaşlı aktrisa COVID-19-a yoluxaraq, həyatını itirib.
Barbara Şelli 1932-ci il fevralın 13-də Londanda doğulub. Erkən yaşlarından kinoya çəkilməyə başlayan Barbara Şelliyə dünya şöhrəti gətirən film "Drakula" olub. Geniş tamaşaçı kütləsi isə aktrisanı "Doktor Kim", "Pişik qadın", "Rasputin: Dəli monax", "Qorqona" və başqa ekran əsərləri ilə tanıyıblar.