BAKI, 5 yanvar — Sputnik. Milli Televiziya və Radio Şurasının (MTRŞ) üzvü Mübariz Elyazov vəfat edib. Bu barədə Sputnik Azərbaycan-a MTRŞ-dan məlumat verilib. Bildirilib ki, Elyazov Mübariz Elyaz oğlu COVID-19 koronavirus infeksiyasından 20 gündən çox müalicə olunduğu xəstəxanada dünyasını dəyişib. "Həkimlərin bütün səylərinə, aparılan müalicələrə, uzun zaman süni tənəffüs aparatına qoşulmasına baxmayaraq MTRŞ üzvü dünyasını dəyişib", - məlumatda qeyd olunub.
Qeyd edək ki, M.Elyazov 1967-ildə Qərbi Azərbaycanın (hazırki Ermənistan Respublikası) Vardenis rayonunda anadan olub. O, 2003-ci ildən MTRŞ-nin üzvü olub. Allah rəhmət eləsin!