Son günlərini yaşadığımız 2020-ci il ağır hadisələrlə yadda qaldı: təkcə koronavirus pandemiyası dünyada 1,8 milyon insanın həyatına son qoydu.
Bu il yaddaşlarımızda uzun müddət qalacaq. Cari ildə dünya həmçinin çox sayda tanınmış simanı itirib. Xəstəliklər, faciələr, qəzalar bir çox tanınmış insanın ölümünə səbəb olub. Biz həmişə onların istedadını, işlərini, idman, siyasət, incəsənət, kino və şou-biznes sahələrinə töhfələrini xatırlayacağıq.
Bu il dünyasını dəyişənlərin sırasında qızı ilə birgə helikopter qəzasında həlak olan NBA oyunçusu Kobi Brayant, aktyor Şon Konneri, musiqiçi Eddi Van Halen, modelyer Kenzo Takada və digərləri var.
