BAKI, 29 dekabr — Sputnik. Analitiklər 2021-ci ilin birinci rübündə neft qiymətlərinin bir barelə görə 30 dollara qədər düşəcəyini proqnozlaşdırırlar. Bu barədə Sputnik Azərbaycan Rusiya KİV-nə istinadən xəbər verir.
Qeyd olunur ki, neftin qiyməti Avropa və ABŞ-da lokdaunlar, həmçinin Böyük Britaniyada koronavirusun yeni təhlükəli ştammının üzə çıxmasından sonra düşməyə başlayıb.
QBF-in aparıcı analitiki hesab edir ki, yeni ilin ilk rübündə dünya bazarlarında neqativ ssenarinin inkişafı mümkündür.
"Risklər artacaq, neft də daxil olmaqla aktivlər bazarı aşağı düşəcək. Qiymətin sürətlə bir barel üçün 30-35 dollar səviyyəsinə düşməsini gözləmək olar".
Rusiya Müstəqil Yanacaq Birliyinin Prezidenti Pavel Bajenov isə hesab edir ki, dünya bazarlarında neftin qiyməti 45-50 dollar diapazonunda dəyişəcək.