Yola saldığımız həftə müxtəlif hadisələrlə zəngin olub. Bütün dünya hələ də koronavirus pandemiyası ilə savaşdadır. 1.7 milyon insanın həyatına son qoyan virusun Böyük Britaniyada yeni mutasiyası aşkarlanıb. Yeni ştamm 70% daha yoluxucu olduğundan ölkə rəhbərliyi sərt qərarlar qəbul etməyə məcbur qalıb.
Havayda planetin ən aktiv vulkanı olan Kilauea oyanıb. Odlu lavanın işığı kilometrlərlə uzaqdan görünüb, vulkan püskürməsi isə zəlzələ ilə müşayiət olunub.
Kosmosda da nadir hadisələrdən biri yaşanıb - iki nəhəng planet- Yupiterlə Saturn yaxınlaşıb.
Keçən həftə dünyanın necə yaşadığını bir daha xatırlamaq üçün sizi dünyanın müxtəlif yerlərindən toplanan fotoşəkillərə baxmağa dəvət edirik. Dünya xəbər agentliklərinin fotomüxbirləri tərəfindən çəkilən unudulmaz hadisələr, eyni zamanda duyğulu anlar - Sputnik Azərbaycan-ın həftəlik fotokolleksiyasında.