BAKI, 26 dekabr — Sputnik. "Əmanətlərin tam sığortalanması haqqında" Azərbaycan Respublikasının Qanununa dəyişiklik qüvvəyə minib. Sputnik Azərbaycan xəbər verir ki, "Əmanətlərin tam sığortalanması haqqında" Azərbaycan Respublikası Qanununun 3-cü maddəsində "4 (dörd) il 9 (doqquz) ay müddətində" sözləri "2021-ci il 5 aprel tarixinədək" sözləri ilə əvəz edilib.
Bununla da rəsmi şəkildə dekabrın 4-də qüvvədən düşən "Əmanətlərin tam sığortalanması haqqında" qanunun müddəti 2021-ci il 5 aprel tarixinədək uzadılıb.