BAKI, 25 dekabr — Sputnik. İngiltərənin "Tottenhem" klubunun müdafiəçisi Denni Rouz saxlanılıb.
Sputnik Azərbaycan xarici mediaya istinadən xəbər verir ki, buna səbəb 30 yaşlı futbolçunun qəza törətməsidir.
Məsələ burasındadır ki, Rouz səhər saatlarında idarə etdiyi avtomobili hasara çırpıb. Qəza zamanı avtomobilin təkəri çıxıb, ancaq Rouz özü xəsarət almayıb. Oyunçunun spirtli içki qəbul etmədiyi sübuta yetirilsə də, təhlükəli idarəçiliyə görə bölməyə aparılaraq saxlanılıb.
Qeyd edək ki, Denni Rouz bu mövsüm heç bir oyunda iştirak etməyib.