BAKI, 20 dekabr - Sputnikş İranın Qərbi Azərbaycan əyalətində 4.5 bal gücündə zəlzələ baş verib.
Sputnik Azərbaycan APA-ya istinadən bildirir ki, yeraltı təkanlar yerli vaxtla saat 09:26-da Qərbi Azərbaycan əyalətinin Qətur bölgəsində baş verib.
Məlumata əsasən, yeraltı təkanlarının ocağı 5 km dərinlikdə yerləşib. Zəlzələnin episentri Türkiyə sərhədinin 83 kilometrliyində Qətur bölgəsində olub.
Qeyd edək ki, bu səhər Türkiyədə də yeraltı təkanlar qeydə alınıb. Muğla və Van vilayətlərində 15 dəqiqə ara ilə ard-arda üç zəlzələ baş verib. Muğladakı zəlzələlər 3.9 və 3.8, Vandakı isə 4.5 bal gücündə olub.