Rahim Məmmədov, Sputnik Azərbaycan
BAKI, 13 dekabr — Sputnik. Gecə yarısı Bakı-Qazax avtomagistralının Yevlax rayonu ərazisindən keçən hissəsində Yol-nəqliyyat hadisəsi qeydə alınıb.
Daşıdığı yükü mənzil başına çatdıra bilmədi, qəzaya düşdü, sərnişini də öldü
© Sputnik / Rahim Mammadov
Sputnik Azərbaycan-ın məlumatına görə, xarici ölkə vətəndaşının idarə etdiyi "Mersedes" (TIR) markalı yük maşınına, Azərbaycan vətəndaşının sürücüsü olduğu eyni markalı mebel yüklü maşın çırpılıb.
Qəza zamanı sonuncu avtomobildə sərnişin olan 35 yaşlı paytaxt sakini Firuzə Cabbarova dünyasını dəyişib.
Daşıdığı yükü mənzil başına çatdıra bilmədi, qəzaya düşdü, sərnişini də öldü
© Sputnik / Rahim Mammadov
Qeyd edək ki, hər iki yük avtomobili Qazax istiqamətində hərəkətdə olan zaman yol qəza hadisəsi baş verib. Faktla bağlı araşdırma aparılır.