BAKI, 4 dekabr — Sputnik, Teymur Tuşiyev. Sputnik Azərbaycan Rus Gəncləri Assosiasiyasının "Facebook" səhifəsinə istinadən xəbər verir ki, Rusiyanın "Parus" futbol komandası Kazan Həvəskar Futbol Liqasının D Seriyasındakı qələbəsini Azərbaycana həsr edib.
Klubun futbolçuları Tatarıstanın Kazan Həvəskar Futbol Liqasının D Seriyasındakı qələbəsinə həsr olunmuş bir video çəkərək paylaşıb. Videoda komandanın hər bir üzvü həmin qələbəni Azərbaycana və Azərbaycan xalqına həsr etdiyini bildirir.
Qeyd edək ki, Savinovo idman məktəbini təmsil edən "Parus" komandasının baş məşqçisi vaxtilə Azərbaycanın "Baki Fəhləsi", "ANS Pivani" klublarında, eləcə də Bakının "Dinamo" və "Neftçı" komandalarında oynamış bakılı Vladimir Kopeykindir.