BAKI, 27 noyabr — Sputnik. Pandemiyanın ilk günündən sərnişinlərin sağlamlığının qorunması məqsədilə əks-epidemik tədbirlər davam etdirilir. Bakı Nəqliyyat Agentliyindən (BNA) Sputnik Azərbaycan-a verilən məlumatda bildirilir ki, hər gün 30 istehsalat bazasında axşam xətdən qayıdan avtobuslar müvafiq qaydada yuyulur, təmizlənir və xüsusi dərman məhlulları ilə dezinfeksiya olunur:
"Mütəmadi olaraq işlərə nəzarət məqsədilə əməkdaşlarımız gecə saatlarında istehsalat bazalarında olurlar. BNA əməkdaşları hər gün avtobusların dezinfeksiya edilməsi prosesinə nəzarət edirlər. Hər hansı bir daşıyıcı tərəfindən bu işlərin icrasında hər hansısa laqeydlik olarsa, o zaman buna qarşı təcili tədbirlər görülür".