Dünən Azərbaycanın "Qarabağ" klubu UEFA Avropa Liqasında növbəti oyununu keçirib və I qrupun IV tur matçında Türkiyənin "Sivasspor"u ilə qarşılaşıb.
Azərbaycandakı hərbi vəziyyətlə əlaqədar İstanbulun "Başakşehir Fatih Terim" stadionunda təşkil olunmuş qarşılaşma "Sivasspor"un 3:2 hesablı qələbəsi ilə yekunlaşıb.
Bu məğlubyyətlə "Qarabağ" avrokuboklarda mərhələ şansını itirib.
Qrupun digər matçında İspaniya "Vilyarreal"ı İsraildə "Makkabi" (Təl-Əviv) komandası ilə heç-heçə edib - 1:1. Bu nəticələrdən sonra "Vilyarreal" 10 xalla 1-ci, "Makkabi" 7 xalla 2-ci, "Sivasspor" 6 xalla 3-cü pillədə qərarlaşıb. Sonuncu pillədəki "Qarabağ" isə xalsızdır.
Məğlubiyyətə baxmayaraq, Azərbaycan təmsilçisi pis oyun nümayiş etdirməyib. Həmin görüşdən kadrları diqqətinizə çatdırırıq.