BAKI, 26 noyabr — Sputnik. Sosial şəbəkələrdə hazırda əsirlikdə olan Amin Musayevin geri qaytarıldığına dair yayılmış video həqiqəti əks etdirmir. Sputnik Azərbaycan-ın məlumatına görə, bu barədə AzTV-nin Facebook sosial şəbəkəsində məlumat paylaşılıb. Məlumatda bildirilir ki, təqdim edilən bu videodakı əsgər Amin Musayev deyil, Nəriman Ağayevdir. N.Ağayev AzTV-nin əməkdaşı Cavad Ağayevin övladıdır.
Nəriman İkinci Qarabağ müharibəsinin iştirakçılarındandır və həqiqi hərbi xidmətini davam etdirdiyi hərbi hissəyə sağ-salamat geri qayıdıb. Qeyd edək ki, Amin Musayev və Bayram Kərimovun əsirlikdən xilas edilməsinə dair danışıqlar davam edir.