Aktyor sənəti təhlükələrlə bağlıdır. Onlar bəzən ekstremal şəraitdə işləməli olurlar, hərdən isə həyatları belə təhlükə altında qalır.
Sputnik Azərbaycan-nın fotolentində möcüzə nəticəsində sağ qalan aktyorların görüntülərini izləyə bilərsiniz. Məsələn, aktrisa Keyt Uinslet "Titanik" filminin çəkilişləri zamanı az qala suda boğulacaqmış, Coni Deppi isə "Tənha reyncer" filminin çəkilişləri zamanı at tapdalayacaqmış.
1 / 13
Fotoda "Amfibiya insan" (1961) filmində İxtiandr roluna təsdiqlənən aktyor Vladimir Korenevdir. Aktyorlar tryukların çoxunu suyun altında yerinə yetirməli olurdular. Bu hərəkətlərin birində aktyorun bağlandığı zəncir matrosun əlindən çıxıb və suyun dibinə gedib. Xoşbəxtlikdən Korenevi vaxtında çıxarmağı bacarıblar.
© Photo : Lenfilm (1961)
2 / 13
Ceki Can "Tanrının yaraqları" (1986) filmində yeddi metr yüksəklikdən yıxılıb. Başı daşa dəyən aktyor ciddi xəsarət alıb.
© Photo : Golden Harvest (1986)
3 / 13
Aktyor Konstantin Raykin rejissor Nikita Mixalkovun "Yadlar içində doğma, doğmalar içində yad" (1974) filminin çəkilişi zamanı az qala suda boğulacaqmış.
© Photo : Mosfilm (1974)
4 / 13
Devid Linçin tarixi "Fil insan" (1980) filmində oynayan Con Hertin qrimə görə az qala nəfəsi kəsiləcəkmiş.
© Photo : Brooksfilms Limited (1980)
5 / 13
Fotoda Leonid Qaydayın "Qafqaz əsiri" (1967) filmində çəkilən aktyor Aleksandr Demyanenkodur. Epizodların birində filmin qəhrəmanı Şurik Mzımta çayının yanında yatacaq kisəsində suya düşüb.
© Photo : Mosfilm (1967)
6 / 13
Fotoda aktrisa Natalya Varley 1967-ci ildə ekran üzü görən "Viy" filminin çəkilişləri zamanıdır. Dublların birində aktrisanın başı gicəllənib, o, 15 metr hündürlükdə olan tabutdan yıxılıb. Aktrisanı Xoma Brut rolunu oynayan Leonid Kuravlyov tutub.
© Photo : Mosfilm (1967)
7 / 13
Maykl Cey Foks rejissor Robert Zemekisin "Geriyə gələcəyə doğru" (1990) filmində səhnələrin birində huşunu itirib. İp onun boynunu sıxıb və o, boğulmağa başlayıb.
© Photo : Universal Pictures (1990)
8 / 13
Tom Henks rejissor Robert Zemekisin "Yeni həyat" (2000) dramının çəkilişi zamanı kəsik yarası alıb və stafilokok infeksiyasına yoluxub.
© Photo : 20th Century Fox Film Corporation (2000)
9 / 13
Deniel Dey-Lyuis rejissor Martin Skorsezenin "Nyu-York bandaları" (2002) dramının çəkilişləri zamanı pnevmoniya tutub. Film ilin soyuq vaxtlarında çəkilirdi, aktyor isə on doqquzuncu əsrdə mövcüd olmayan isti geyimi geyinməkdən imtina edibmiş.
© Photo : Miramax Films (2002)
10 / 13
Coni Depp "Tənha reyncer" (2013) filminin çəkilişi zamanı atdan yıxılıb və möcüzə nəticəsində ciddi xəsarətlər almayıb.
© Photo : Walt Disney Pictures (2013)
11 / 13
Aktrisa Uma Turmanı "Persi Cekson və İldırım oğrusu" (2010) filminin çəkilişləri zamanı az qala mini-furqon vuracaqmış. Onu film üzrə tərəfdaşı Pirs Brosnan xilas edib.
© Photo : 20th Century Studios (2010)
12 / 13
Keyt Uinslet "Titanik" (1997) filminin çəkilişləri zamanı ölümlə üz-üzə qalıb. Aktrisanın paltarı dəmir parçasına ilişib və Keyt suyun altında qalaraq boğulmağa başlayıb.
© Photo : 20th Century Fox Film Corporation (1997)
13 / 13
Şarliz Teron "Eon Flaks" (2005) filminin çəkilişləri zamanı onurğa diskini zədələyib. Aktrisa bütün tryukları özü edirmiş, lakin arxaya salto zamanı ayağı qaçıb və boynu üstə yerə düşüb.
© Photo : Colossal Pictures (2005)