Şotlandiya millisi penalti seriyasında Serbiya komandasına qalib gələrək futbol üzrə Avropa çempionatının final mərhələsinə vəziqə qazanıb.
Qarşılaşmanın əsas vaxtı 1:1 hesabı ilə bitib. Şotlandlarda qolu Rayan Kristi 52-ci dəqiqədə vurub. Meydan sahibləri 90-cı dəqiqədə Luka Yoviçin topu ilə hesabı bərabərləşdiriblər. Əlavə vaxtda hesab dəyişməyib. Penaltilər seriyasında şotlandlar daha dəqiq olublar - 5:4.
Şotlandiya yığması pandemiya səbəbindən 2021-ci ilə keçirilmiş AVRO-2020-nin final mərhələsində D qrupunda İngiltərə, Xorvatiya və Çexiya komandaları ilə oynayacaq.