Eldar Tanrıverdiyev, Sputnik Azərbaycan
BAKI, 12 noyabr — Sputnik. Sabah Rusiyadan gələcək nümayəndə heyəti ilə Türkiyə-Rusiya birgə atəşkəsə nəzarət mərkəzi ilə bağlı detallar müzakirə olunacaq. Sputnik Azərbaycan xəbər verir ki, bunu Türkiyənin Xarici İşlər naziri Mövlud Çavuşoğlu Bakıda keçirdiyi mətbuat konfransında deyib.
Türk nazir qeyd edib ki, bu işin detalları müzakirə ediləcək. Mərkəz Azərbaycan torpağında və qardaş ölkənin uyğun gördüyü yerdə olacaq:
"Bu mərkəz önəmli işlər görəcək. Nəzarəti həyata keçirəcək, şikayətlər olduğu vaxt onları araşdıracaq. Ümid edirik ki, Ermənistan keçmişdəki səhvlərindən dərs alacaq".