BAKI, 11 noyabr — Sputnik. Amerikanın tanınmış teleredaktoru və prodüseri 83 yaşlı Ken Spirs vəfat edib. Sputnik Azərbaycan xəbər verir ki, ötən əsrin ən məşhur cizgi serialı "Skubi du"nun həmmüəllifi olan teleredaktor Ken Spirsin ölüm səbəbi demansiyanın fəsadları göstərilir.
Xatırladaq ki, Spirsin həmkarı, rəssam Co Rubi üç ay əvvəl ölmüşdü.
Onlar birlikdə "Ruby-Spears Productions" şirkətini yaratmışdılar. Ən məşhur layihələri isə it "Skubi-Du" və fövqəltəbii sirləri həll edən dostları haqqında cizgi serialı olub.