BAKI, 11 noyabr — Sputnik. Türkiyənin İzmir şəhəri yaxınlığında, Quşadası körfəzində 4.8 bal gücündə zəlzələ baş verib.
Sputnik Azərbaycan-ın Türkiyənin NTV kanalına istinadən yaydığı xəbərə görə, qonşu ölkənin Təbii Fəlakətlər və Fövqəladə Halların İdarə Olunması Adminstrasiyası (AFAD) bununla bağlı açıqlama verib. Açıqlamada bildirilir ki, bu gün səhər saat 09:49-da İzmirin Menderes rayonundan 18 kilometr uzaqlıqda, Quşadası körfəzində 4,8 bal gücündə zəlzələ baş verib. Yeraltı təkanlar 7 kilometr dərinlikdə qeydə alınıb. Hələlik təlafat barədə məlumat verilmir.