BAKI, 10 noyabr — Sputnik. Əgər hərbi əməliyyatlar davam etsə idi, onda bir neçə gün və həftədən sonra bütün Qarabağı itirə bilərdik. Sputnik Ermənistan xəbər verir ki, bunu Azərbaycanın işğal altında olmuş ərazisində qurulan qondarma "Dağlıq Qarabağ Respublikası"nın "prezidenti" Araik Arutunyan bildirib.
"Əgər hərbi əməliyyatlar arxa cəbhəyə keçsə idi, ön cəbhədə nəticələrin geri dönüşü olmazdı", - deyə o bildirib.
Arutunyan vurğulayıb ki, döyüşlər Xankəndindən 2-3 kilometr aralıda gedib. O, həmçinin onların müasir silahının olmadığını və buna görə günahkarların cavab verəcəyini bildirib.