BAKI, 7 noyabr — Sputnik. Azərbaycan neftinin qiyməti 1 dollardan çox ucuzlaşıb.
Sputnik Azərbaycan xəbər verir ki, "Azeri Light" markalı neftin bir barelinin qiyməti 1,04 dollar ucuzlaşaraq 39,94 dollar təşkil edib.
"Brent" markalı neftin qiyməti 1,48 dollar geriləyərək 39,45 dollar, "Light" markalı neftin qiyməti isə 1,65 dollar ucuzlaşaraq 37,14 dollar olub.
Qeyd edək ki, neftin qiyməti pandemiyanın artmasının neft tələbatının bərpa prosesini ləngitdiyinə dair narahatlıqlar fonunda ucuzlaşır.
Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.