BAKI, 7 noyabr - Sputnik. ABŞ Prezidenti Donald Trampın qərargahından bildiriblər ki, Co Bayden özünü yeni prezident elan etməkdə tələsib.
"Hamımız bilirik ki, Co Bayden qalib kimi yalandan poza verməyə tələsir. KİV-dəki tərəfdaşlarının da niyə ona kömək etməyə çalışdığını bilirik: onlar istəmirlər ki, həqiqət açılsın", - Trampın yazılı bəyanatında deyilir.
Qeyd edək ki, bir qədər əvvəl ABŞ KİV-i Cozef Baydenin Amerikanın yeni prezidenti seçildiyi barədə məlumat yayıb. Sonra Bayden özü də bunu elan edib. Tramp isə nəticələrin məhkəmədə araşdırılacağına söz verib.