BAKI, 30 oktyabr — Sputnik. Bu gün yerli vaxtla saat 14:51-də Türkiyənin İzmir şəhərində 6,6 bal gücündə zəlzələ baş verib. Yeraltı təkanlar Egey dənizi bölgəsi ilə yanaşı, İstanbul və Mərmərə bölgəsində də hiss olunub.
Sputnik Azərbaycan-ın məlumatına görə, hazırda 17 binanın dağıntıları arasında xilasetmə işləri aparılır. Təbii fəlakət nəticəsində 12 nəfər həlak olub, 522 nəfər xəsarət alıb.
Bildirilir ki, birinci zəlzələdən sonra ən böyük maqnitudası 5,1 olan yüzlərlə təkan (afterşok) qeydə alınıb.
Ölkənin cənub-qərbindəki Aydın vilayətinin Quşadası rayonundan 20 km aralıda, Egey sahillərində isə axşam saatlarında 5.1 maqnitudalı təkan olub. Dağıntı və tələfat haqda hələlik məlumat yoxdur.
İzmirdəki ürək parçalayan mənzərənin görüntüləri Sputnik Azərbaycan-ın fotolentində.