BAKI, 23 oktyabr — Sputnik. Ermənistana məxsus daha bir PUA məhv edilib. Bu barədə Sputnik Azərbaycan Azərbaycan-a Müdafiə Nazirliyindən daxil olan məlumatda bildirilir.
"Oktyabrın 23-də saat 12 radələrində Ağcabədi rayonu istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib", - deyə məlumatda bildirilir.
Qeyd edək ki, Müdafiə Nazirliyi daha əvvəl məlumat yayaraq Ermənistan ordusunun 4 PUA-sı zərərsizləşdirildiyini bildirilib: "Oktyabrın 23-ü saat 03.00-dan 09.00-dək Ermənistan silahlı qüvvələrinə məxsus 2 pilotsuz uçuş aparatı (PUA) Azərbaycan Hava Hücumundan Müdafiə bölmələri tərəfindən aşkar olunaraq məhv edilib. Digər 2 PUA isə xüsusi texniki vasitələrlə yerə endirilib".