BAKI, 20 oktyabr — Sputnik. Prezident İlham Əliyev xalqa müraciətində düşmənin məhv edilən və ələ keçirilən texnikalarının sayını açıqlayıb.
Sputnik Azərbaycan həmin siyahını təqdim edir:
"241 tank məhv edilib, 39 tank götürülüb, toplam 280 tank. 50 ədəd piyada döyüş maşını məhv edilib, 24-ü qənimət kimi götürülüb, özüyeriyən artilleriya qurğusunun 17-si məhv edilib, 58 minaatan məhv edilib, 12 minaatan götürülüb, 25 qumbaraatan hərbi qənimət kimi götürülüb, 53 tank əleyhinə vasitə məhv edilib, 70 "Qrad" qurğusu, 2 "Uraqan", 2 YARS (Yaylım Atəş Raket Sistemi), 1 ədəd "TOS", 4 ədəd "S-300" qurğusu məhv edilib. 3 ədəd "Tor" zenit-raket kompleksi, 40-a yaxın "Osa" zenit raket kompleksi, 5 ədəd "Kub" və "Kruq" zenit raket kompleksi, 6 PUA məhv edilib, 2 əməliyyat taktiki raket kompleksi "Elbrus", 1 ballistik raket, 1 "Toçka-U", 8 radioelektron mübarizə vasitələri, 198 yük avtomobili məhv edilib, onlardan 15-i sursatlarla dolu olub. 102 hərbi maşın qənimət kimi götürülüb".
Qeyd edək ki, bu gün Azərbaycan Prezidenti xalqa müraciətində daha bir neçə yaşayış məntəqəmizin erməni işğalından azad olunması xəbərini verib.
“Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib”, - Ali Baş Komandan qeyd edib.