BAKI, 12 oktyabr — Sputnik. Ukrayna Prezidenti Vladimir Zelenski Donbasdakı müharibəni bitirə bilməsə, öz postunu tərk etməyə hazır olduğunu bildirib. Sputnik Azərbaycan xəbər verir ki, bunu Ukrayna Prezidenti "BBC"-yə müsahibəsində bildirib.
"Bu mənim üçün heç problem deyil. Mən reytinq və hakimiyyətdən yapışmıram. Əgər mən müharibəni bitirə bilməsəm, deməli, bu faciəvi tarixi yekunlaşdıra biləcək digər şəxsin gəlməyi vacibdir", - deyə Zelenski qeyd edib.
Qeyd edək ki, ötən həftə Zelenski bəyan edib ki, Ukrayna rəhbərliyi Rusiya ilə dialoq olmadan Donbasdakı münaqişəni dayandıra bilməyəcək.