Səhər saatlarından etibarən Bərdə rayonu müxtəlif istiqamətlərdən raket və artilleriya mərmilərindən atəşə tutulub. Şəhərin mərkəzində yerləşən “Qədim Bərdə” restoranına mərmi düşməsi nəticəsində 2 nəfər müxtəlif dərəcəli bədən xəsarəti alıb.
Eyni zamanda şəhərin mərkəzində yerləşən orta məktəbin yaxınlığında düşən raketlər daha beş nəfərin yaralanmasına səbəb olub. Ətrafda olan evlərə, nəqliyyat vasitələrinə ziyan dəyib.