BAKI, 6 oktyabr — Sputnik. Oktyabr ayının sonunda Kollektiv Təhlükəsizlik Müqaviləsi Təşkilatının (KTMT) Ermənistanda keçirilməli olan təlimləri təxirə salınıb. Bunu Sputnik Ermənistana açıqlamasında KTMT-nın mətbuat katibi Vladimir Zaynetdinov bildirib.
"Hazırda KTMT-ya üzv ölkələrlə bu təlimlərin yeri və keçirilmə tarixi məsələsi müzakirə olunur", - deyə Zaynetdinov qeyd edib.
Qeyd edək ki, KTMT-nın "Axtarış-2020" və "Qarşılıqlı təsir-2020" təlimləri 23-30 oktyabr tarixlərində "Baqramyan" poliqonunda keçirilməli idi.