BAKI, 3 oktyabr — Sputnik. Azərbaycan Respublikasının Silahlı Qüvvələrinə Yardım Fonduna ianə ilə bağlı kampaniyaya deputatlar da qoşulublar. Sputnik Azərbaycan-a bu barədə məlumat verən Milli Məclisin deputatı Nigar Arpadarai bildirib ki, sentyabr ayı üçün əməkhaqqını sözügedən Fonda köçürüb: "Bu gün Prezidentimiz və Birinci vitse-prezidentimiz bu ayın əməkhaqlarını Silahlı Qüvvələrə Yardım Fonduna ianə etdilər. Mən də ölkə rəhbərliyinin bu təşəbbüsünə qoşularaq sentyabr ayı üçün əməkhaqqımı sözügedən Fonda köçürürəm. Allah əsgərlərimizi qorusun! Qələbə bizimdir!"