Nigar İsgəndərova, Sputnik Azərbaycan
BAKI, 24 sentyabr — Sputnik. "Regionlarda hotellərin qiyməti enib". Azərbaycan Otellər və Restoranlar Assosiasiyası idarə heyətinin sədri Samir Dübəndi bu barədə bu gün Sputnik Azərbaycan-ın Multimedia Mərkəzində təşkil olunan konfransda çıxışı zamanı deyib. O bildirib ki, ötən ilin yay mövsümü ilə müqayisədə qiymətlər çox aşağıdır: "Bugünkü qiymətləri ötən ilin qış mövsümündəki qiymətlərə bərabər tutmaq olar. Hətta regionlarla yanaşı, Bakıda da hotellərdə qiymətlərdə enmələr müşahidə edilir. Təxminən 3 dəfəyədək qiymətlərin aşağı düşməsi müşahidə edilir. Bununla yanaşı, müxtəlif aksiyalar da təşkil olunur. Belə ki, 2 gecəlik pul ödəyəcək qonaqlara 3-cü gecə üçün müəyyən qədər endirim təklif olunur".