BAKI, 6 sentyabr - Sputnik. Dünyada 27 milyondan çox insanda koronavirusa yoluxma öz təsdiqini tapıb. İndiyədək 27 069 983 nəfər bu virusa yoluxub.
Sputnik Azərbaycan xəbər verir ki, bu barədə məlumatlar “Worldometers” portalında dərc olunub.
Həmçinin 19,2 milyona yaxın koronaviruslu xəstə müalicə olunaraq sağalıb. Bundan əlavə, 883 780 insan bu xəstəliyin qurbanı olub.
Hazırda 7 015 317 aktiv virus daşıyıcısı var ki, onların da 60 709-nun vəziyyəti ağırdır.
Ən çox yoluxma halları ABŞ (6 431 160), Braziliya (4 123 000), Hindistan (4 114 773), Rusiya (1 020 310) və Peruda (683 702) qeydə alınıb.