Dünyanın bir sıra ölkələrində sentyabrın biri Bilik Günüdür. Koronavirus pandemiyasına rəğmən, Fransa, Çin, Rusiya və digər ölkələrdə bu gündən məktəblərdə dərs ili başlayıb.
Uşaqlar məktəbə maskalarda gəlir, dezinfeksiyaedici məhlullarla əllərini virusdan təmizləyirlər.
Qeyd edək ki, Azərbaycanda da 2004-cü ilədək Bilik Günü sentyabrın 1-də qeyd olunurdu. Lakin həmin il ölkə prezidentinin fərmanı ilə dərslər sentyabrın 15-də başlandığından Bilik Gününün də vaxtı həmin günə dəyişdirildi.
Bu il də ölkəmizdə tədris sentyabrın 15-dən, amma yeni qaydalarla başlanacaq.
Sputnik Azərbaycan dünyanın müxtəlif ölkələrində dərs ilinin necə başlandığını əks etdirən fotoları təqdim edir.