Şahpəri Abbasova, Sputnik Azərbaycan
BAKI, 1 sentyabr — Sputnik. Rus estradasında həmişə yenilikləri ilə seçilən Filipp Kirkorov bu dəfə amerikalı dünya ulduzu Rihannanın obrazını yaratmağa çalışıb. Sputnik Azərbaycan xəbər verir ki, Rusiya şou-biznesinin kralı Filipp Kirkorovun "Rihannası" böyük marağa səbəb olub.
Mobil tətbiq vasitəsilə öz başını Rihannanın bədəni üzərinə qoyan sənətçi izləyicilərinin gülüşünə səbəb olub. Paylaşımı görənlər ona "çox bənzəyirsiz, pozitiv videoya görə sağ olun" kimi şərhlər yazıblar. Kliplərə öz üzünü yerləşdirən müğənninin videolarda istifadə etdiyi mahnı isə Rihannanın dünyaca məşhur "Diamond"u olub. Bəzi izləyicilər isə onun addımını yaxşı qarşılmayıblar. "Karantin dövrü ulduzları dəli edib", "bu obraz sizə qətiyyən yaraşmır" və s. fikirlər yazıblar.