BAKI, 28 avqust — Sputnik. Məşhur fransız aktyoru Jerar Depardye Rusiyada ilk restoranını açacaq. Sputnik Azərbaycan xarici mediaya istinadən bildirir ki, restoran Novosibirskdə olacaq. Aktyor həmçinin Novosibirskdə fəaliyyət göstərən "Fransa dadı" adlı şirkətinin pandemiya səbəbindən bağlandığı iddiasını təkzib edib.
Onu da qeyd edək ki, aktyor ilk dəfə 1967-ci ildə filmə çəkilib. Aktyor bu vaxta qədər 100-dən artıq filmə çəkilib. "Qızıl Qlobus", "Sezar", "Qızıl şir", "Kann" festivallarının laueratı olan Depardye artıq bir neçə ildir ki, Rusiya vətəndaşıdır. 71 yaşlı ulduz aktyor Novosibirskdə qeydiyyata düşüb və məhz bu şəhərdə mədəni və biznes layihələri həyata keçirir.