Azərbaycan mədəniyyətinin inkişafında xüsusi xidmətlərinə görə Fikrət Göyüş oğlu Qocayev (Fikrət Qoca) “İstiqlal” ordeni ilə təltif edilib. Prezident İlham Əliyev bununla bağlı sərəncam imzalayıb.
Bununla bağlı Sputnik Azərbaycan-a danışan Xalq şairi, Azərbaycan Yazıçılar Birliyinin birinci katibi Fikrət Qoca deyib ki, Prezident tərəfindən “İstiqlal” ordeni ilə təltif olunmaq onu qanadlandırıb:
“Bu təltif üçün prezidentə nə qədər minnətdarlıq etsəm, azdır. Əlli bir yaşımda olarkən ölüm ayağında idim. O vaxt Heydər Əliyev məni həyata qaytardı. İndi isə COVID-19-un tüğyan etdiyi gərgin bir zamanda yada salınmağım məni borclu qoydu”.
Fikrət Qocanın fikirlərinə audiofaylda qulaq asa bilərsiniz