BAKI, 27 avqust — Sputnik. Məşhur bloger, "Cam&Fam" "Youtube" kanalının sahibi Lendon Klifford 19 yaşında dünyasını dəyişib.
Sputnik Azərbaycan xəbər verir ki, bu barədə onun həyat yoldaşı Kamrin "Instagram" sosial şəbəkəsində məlumat yayıb.
Onun sözlərinə görə, Klifford 6 gün komada olub. Onun orqanları transplantasiya ediləcək.
Qeyd edək ki, Lendon və Kamrin 16 yaşında övlad sahibi olublar. Gənclər 1,3 milyon izləyicisi olan kanallarında yeniyetmə yaşlarında ata və ana olmağın çətinliklərindən bəhs edirdilər.