“Dəniz Kuboku” Azərbaycan Hərbi Dəniz Qüvvələrinin “Puta” hərbi dəniz bazasında 25 avqustdan 4 sentyabra qədər davam edəcək. Dünən axşam isə müsabiqənin təntənəli açılış mərasimi keçirilib. Mərasimdə həm də Müdafiə Naziri Zakir Həsənov və Rusiyanın Müdafiə Naziri Sergey Şoyqu iştirak edib.
Rusiya Federasiyasını kiçik artilleriya gəmisi “Mahaçqala”, Azərbaycan komandasını isə “G-122” patrul gəmisi təmsil edəcək. Bir həftə ərzində hərbi dənizçilər dəniz və hava hədəflərinin məhv edilməsi, xilasetmə təlimi, gəminin sağ qalması uğrunda bacarıqlarını nümayiş etdirəcəklər.
“Beynəlxalq Ordu Oyunları 2020” 23 avqustdan 5 sentyabra qədər keçirilir. Bu il yarışlar Azərbaycan, Belarus, Ermənistan, Rusiya və Özbəkistan ərazisində keçiriləcək. Oyunları 11 ölkə qəbul etməli idi, amma İran, Hindistan, Qazaxıstan, Çin, Monqolustan və Şri-Lanka onların öz ərazilərində keçirilməsindən imtina edib.