BAKI, 21 avqust — Sputnik. Türkiyə Prezidenti Rəcəb Tayyib Ərdoğan Qara dənizdə qaz yatağı kəşf edildiyini açıqlayıb.
Sputnik Azərbaycan Türkiyə mətbuatına istinadla xəbər verir ki, Ərdoğan qeyd edib ki, Türkiyə tarixin ən böyük kəşfini edib. Belə ki, Qara dənizdə 320 milyard kubmetr həcmində yataq aşkarlanıb. "Hədəfimiz 2023-cü ildə Qara dənizdəki qazı millətin istifadəsinə verməkdir" - deyə o bildirib.
Qeyd edək ki, qaz yatağı 20 iyul 2020-ci il tarixində "Fatih" qazma gəmisi tərəfindən tapılıb. "Tuna 1" adlandıırlan yataqda kəşfiyyat işləri tamamlanıb.