BAKI, 30 iyul – Sputnik. Bu gün Türkiyədə daha 15 nəfər koronavirusdan ölüb.
Sputnik Azərbaycan xəbər verir ki, bu barədə Səhiyyə naziri Fahrettin Koca bildirib.
Nazir qeyd edib ki, bununla da ölkədə pandemiya qurbanlarının sayı 5 674 nəfərə çatıb.
Fahrettin Kocanın sözlərinə görə, son sutkada koronavirusa 967 yoluxma qeydə alınıb. Beləliklə, Türkiyədə koronavirus xəstələrinin sayı 229 891 nəfərə yüksəlib.
Son sutkada daha 982 pasiyent sağalıb. Hazırda ölkədə koronavirusdan sağalanların sayı 213 539 nəfərdir.