BAKI, 28 iyul — Sputnik. "Rospotrebnadzor" koronavirusla mübarizə istiqamətində bir neçə dezinfeksiyaedici vasitələri təhlil edərək, effektiv olanlarını müəyyən edib.
Sputnik Azərbaycan Rusiya mətbuatına istinadla xəbər verir ki, ekspertlər qeyd edib ki, koronavirus müxtəlif səthlərdə iki gündən çox yaşaya bilir. Dezinfeksiya edici vasitələrin istifadəsi onları məhv edir.
Xlor tərkibli və spirt tərkibli dezinfeksiyaedici maddələr, dördüncü ammonium birləşmələri və üçüncü aminlərə əsaslanan məhsulların testlər zamanı yüksək təsirə malik olduğu məlum olub. Belə ki, etil və izopropil spirtinin 30 faiz qarşığı olan vasitələr belə 30 saniyədə milyonlarla virusu məhv edir. Xlortərkibli maddələr də eyni effektə malikdir.