BAKI, 27 iyul — Sputnik. Planetimizdən dinozavrların yoxa çıxmasını alimlər ənənəvi olaraq iki versiya ilə izah edirlər.
Sputnik Azərbaycan xarici mətbuata istinadla xəbər verir ki, bunlardan biri vulkanlarla bağlıdır.
Bu versiyaya görə, hansısa bir dövrdə uzun müddətli vulkan püskürmələri baş verib. Vulkanlara görə Yerin atmosferində Günəş şüalarının qarşısını alan külli miqdarda kül və qaz meydana gəlib.
Beləliklə alimlər vulkan və asteroidin dinozavrların yaşayış şərtlərinə etdiyi təsirləri müqayisə etmək qərarına gəlir.
Mütəxəssislərin fikrincə, tabaşir dövrünün sonlarına qədər dinozavrlar üçün yaşayış şərtləri mövcud olub.
Bu səbəbdən onların ölməsi üçün vulkan püskürməsi zamanı kənara atılan maddələr kifayət deyil.
Məlumata görə, bundan sonra yer üzünə asteroid düşür və bu da Günəş şüalarını 10-20 faiz azaldır. Planetdə orta tempratur -30 -40C-yə düşür.
Belə təxmin edilir ki, dinozavrlar bu vəziyyətlə bacara bilmirlər. Ancaq əslində onlar daha əvvəl ölməyə başlamışdılar, ancaq asteroid bu prosesi sürətləndirib.