BAKI, 17 iyul — Sputnik. Abşeron rayonunun Qobu qəsəbəsi ərazisində ölümlə nəticələnən yol-nəqliyyat hadisəsi baş verib.
Sputnik Azərbaycan Daxili İşlər Nazirliyinin məlumatına istinadla xəbər verir ki, hadisə iyulun 16-da saat 23 radələrində Abşeron rayonunun Qobu qəsəbəsi ərazisində qeydə alınıb.
Hökməli qəsəbə sakini K.İbadovun idarə etdiyi "VAZ-21099" və Bakı şəhər sakini Elxan Sadıqovun idarə etdiyi "VAZ-21074" markalı avtomobillər toqquşub.
Nəticədə E.Sadıqov və K.İbadovun sərnişini - anası Şahzadə hadisə yerində ölüb, E.Sadıqovun 4 sərnişini, habelə digər sürücü xəstəxanaya yerləşdirilib.
Abşeron RPİ tərəfindən araşdırma aparılır.