Ötən həftə bir sıra hadisələrlə yadda qaldı. ABŞ-da mayın sonunda polislərin qətlə yetirdiyi Corc Floyda görə başlayan etiraz aksiyaları hələ də davam edir. Etirazçıların son tələbi Avraam Linkolnun Vaşinqtondakı heykəlinin götürülməsi oldu.
Koronavirus pandemiyası mövzusu da əvvəlkitək aktualdır. Bəzi ölkələrdə yoluxma sayı azalır, bəziləri isə fəlakəti ikinci dəfə yaşayır. Məsələn, Türkiyənin Antalya şəhəri ilk turistlərini qəbul etməyə hazırlaşır. Digər sahilyanı ölkələrdə də çimərliklər açılır. Qızmar hava Dumanlı Albionun sakinlərini, demək olar ki, çimərliklərə “töküb”.
Ötən həftə dünyanın necə yaşadığını yada salmaq üçün onun müxtəlif guşələrində çəkilən şəkillərə baxmağı təklif edirik. Dünya agentliklərinin müxbirlərinin çəkdikləri ən parlaq və emosional fotolar - Sputnik Azərbaycan-ın həftəlik fotolentində.