BAKI, 26 iyun – Sputnik. Azərbaycan Respublikasının Prezidenti, Ali Baş Komandan İlham Əliyev26 iyun - Silahlı Qüvvələr Günü münasibətilə rəsmi "Facebook" səhifəsində paylaşım edib.
Sputnik Azərbaycan xəbər verir ki, paylaşımda deyilir:
“Ordumuzun gücü Azərbaycan xalqının ona olan inamında və dəstəyindədir. Azərbaycan əsgəri xalqımızın qürur mənbəyidir”.
Qeyd edək ki, Azərbaycan Silahlı Qüvvələri Azərbaycan Xalq Cümhuriyyəti parlamentinin 26 iyun 1918-ci il tarixli qərarı ilə Gəncədə yaradılıb.
1920-ci ildə Azərbaycan Xalq Cümhuriyyəti süqut etdikdən sonra ordu buraxılıb və 1991-ci il oktyabrın 9-da Ali Sovetin qərarı ilə Silahlı Qüvvələr yenidən yaradılıb.